Kawlin ah palik 3 hriam he CDM an tuah
The Chinland Post | 2022 May 3 – Inndaw palik sakhaan in SAC chungtel palik 3 cu April 30 ah hriamtling he Kawlin peng PDF sin ah CDM an tuah tiah theih a si.
Palik pathum cu meithal zuun 3 le hriam cheukhat he CDM an tuah tiah afekmi thawngpetu nih the 74 Media ah a chim.
“CDM a tuahmi hi ralkap an i tel lo. Palik lawng an si” tiah a chim.
CDM a tuahmi pathum cu zalong tein tlonlennak nawl kan pek hna tiah a chim chap.
Uzi zuun khat, G3 zuun hnih, kuthlonh bom 3, 7.62 kuan 1,262, 9 MM kuan 181 le hriam cheukhat he an rak phan.
SAC nih hramhram in uknak a lakhnu ah CDM a tuahmi ralkap 2,000 le palik 6,000 an si cang tiah Pyithuyinkhun phu sin in theih a si.
Sagaing ramṭhen, Katha peng, a luancia thla 5 chungah CDM a tuahmi ralkap 50 leng an phan cang tiah The 74 Media nih a langhter.
About The Author
