Khaunglanhpu Peng Um Ralkap Sakhaan 1 KIA Le Dothlennak Phu Pawl Nih An Lak
The Chinland Post | 2024 January 9 — Kachin ram, Khaunglanhpu peng um ralkap sakhaan pakhat cu KIA le dothlennak phu pawl nih January 6 ah an lak khawh.
Khaunglanhpu zung um ralkap kuttang pyithysit phu le ralkap pawl nih hmunhma an khuarnak Ka-ran-hti-dam sakhaan an lak khawh hi a si tiah Kakaborazi PDF ṭuanvo ngeitu nih RFA ah a chim.
“Khaunglanhpu peng, Ka-ran-hti-dam sakhaan cu January 6 ah kan kah, chun hrawng ah sakhaan kan lak khawh. Kaphnih lei hliamtuar le a thi mi an um nain ralkap lei a thi mi an tam deuh. Atu sakhaan hi pyithusit a tam deuh an umnak a si i ralkap tu nih sakhaan an uk. Kahdohnak ruang ah bawmhnak a ra mi he cun 70 hrawng an si lai tiah ruahdamh a si, atu cu an zapi nih sakhaan an zaamtak dih”.
Ralkap lei nih vanlawng hmang in kahdohnak a tuah. Kahdohnak chung ah KIA le dothlennak phu lei 3 bom ci nih a khen hna nain thinphan awk a um lo tiah a chim.
KIA, KPF le Putao PDF hna bawm in sakhaan an lak khawh hi a si.
KIA le dothlennak phu pawl nih December thla chung ah Machanbaw peng, In-kha-ka ralkap sakhaan zong an rak lak cang tiah Putao PDF nih an thanh.
About The Author
