Khin U Ah SAC Ralkap Tampi An Lut, PDF 5 An Nunnak A Liam i Mipi 5 An Tlaih Hna
The Chinland Post | 2023 April 19 — Sagaing ramṭhen, Khin U peng ah SAC ralkap tampi an luh caah PDF phu pawl he kahdohnak a chuak i PDF 5 an nunnak a liam, mipi 5 an tlaih hna tiah Khin U peng thawng dik a thanhtu phu nih an langhter.
April 19 zinglei sml 6:00am hrawng ah Khin U peng, Yuathitpyukone ah a rak phan mi SAC ralkap pawl nih Mindaung khua, Ye U – Khin U lam ah a um mi Mudingchaung hlei ah hmunhma a khuar mi SAC ralkap he fonh in Myakan khua lei ah an lut.
Cu SAC ralkap pawl cu PDF phu pawl nih bomrap an puah hnawh hna i an kir lei ah SAC ralkap pawl nih an kham hna. Cu lio ah PDF chungtel Ṭayokgyi, Moe Hein, Phoe Kyaw, Ko Naung le Kyaw Naing an thah hna i adang mipi 5 zong an tlaih hna tiah theih a si.
About The Author
