Khuachung Lawng Siloin Ramṭhen Level Tiang Kahdohnak Kan Tuah Cang Lai Tiah Captain L Se Wa Nih A Chim
The Chinland Post | 2023 June 30 — Hramhram uknak a dihdongh tiang kan doh khawh nak hnga khuachung kahdohnak lawng siloin ramṭhen level tiang kahdohnak kan tuah cang lai caah mipi hna bawmhnak le thapeknak kan herh tiah Lion Battalion Commando hruaitu Captain L Se Wa nih a chim.
Dothlennak hi kum 3 deng caan chung a phak cang caah ngaihchiatnak le lunglawmhnak siseh, kan thader caan le kan lungdongh caan zong a tampi ko lai nain mipi hna nih kan zapi in hramhram uknak doh rih ko hna u sih, kan i tinh mi zong kan phan deng cang tiah a chim. Khuachung kahdohnak lawng siloin ramṭhen level tiang kahdohnak kan tuah cang lai i a raa lai mi ṭhal caan ahcun kahdohnak a phichuak kho ding tiang kan ṭuan lai tiah a chim.
Hramhram uknak kan rak doh hmasa lio ah meithal zuun 2/3 lawng in kan rak i thawk ko nain zumhnak le tinh mi ngei tein kan kal lengmang caah mino tampi le meithal tampi in kan dir kho cang. Mipi hna nih a donghnak kahdohnak dirhmun caah timhcia tein, i bawm cio ding in le lungrual tein hmaifong hna usih tiah forhfialnak a chim.
About The Author
