Khuangcawi A Tlamtlinnak Ding Ah Uktu Cozah Le Khuami Bawmhchanhnak A Herh Tuk; Mai Run Sung

0

City Hunter| 2018 February 8| Chin ramkulh huap (level) in Hakha ah tuah dingmi avoi 70nak Chin Miphun Ni a sunhlawitertu ding khuangcawi a tlamtlinnak ding ah uktu cozah le khuami zapi bawmchanhnak le tanpinak a herh tuk tiah khuangcawi dingmi sin in kan theih.

Khuangcawi dingmi Mai Run Sung nih, “Tukum Chin Miphun Ni a sunlawitertu ding pakhat cu khuangcawi hi a si ve. Khuangcawi hi minung tlawmte lawng nih tuah awk a thami a si lo, minung thazaang tampi a herh. Cu pin ah chaw le va zong tampi a herh. Cucaah, Lai Miphun Ni a sunlawitertu cu kanmah Laimi phun kan si lai. Khuangcawi a tlamtlin khawhnak ding ah a hmasa bik ah uktu cozah lei nih fakpi in tanpi le bawmhchanh kan herh. Cun, Hakha khuanu khuapa, mino le sangmi vialte nih miphun dawtnak le Chin Miphun Ni sunhsaknak lungput he nan kan tanpi cio naklai upatnak he kaan sawm hna. Hla le laam zong cawnpiak kan herh. Mizapi telpinak, tanpinak le bawmhchanhnak kan in herh ko hna” tiah The Chinland Post ah a chim.

Hi kong he pehtlai in Hakhathar khuabawi Pu Tawk Lian nih, “Hakhthar cu rawhralnak kan ton a si tikah kanmahte in cun khuang aa cawiding dirhmun kan si lo. Nikum Chin Miphun Ni, khuangcawinak caah ks. sing 20 hrawng an dih. Cozah zong nih sing 10 in sing 15 kar a bawmh hna ti kan theih.

Cu bantuk in tukum zong cozah a tlawm bik in ks. sing 15 tel cu an kan bawmhchanh a herh. Hi pin ah khuangcawi dih hnu i puak le inntin zanriah dumtinak ding chunhthahnak caah chungkhar lei nih tampi an dih thiamthiam fawn rih lai. Cucaah, khuangcawi hi a fawi bak lomi rian a si caah cozah lei in siseh, khuami lei in siseh fakpi in tanpi le bawmhchanh kan herh ko” tiah The Chinland Post ah a chim. +++

About The Author

Na ruahning rak langhter ve.. (Leave a comment)

%d bloggers like this: