June 22, 2024

Thantlang Pengah Telenor Phone Tung 12 An Bunh Lai

0

Salai Elvis| 2018 February 8| Thantlang peng ah Telenor company nih phone tung Tower hmun 12 ah bunh an timh tiah tuanvo ngeitu sin in kan theih.

Atu lio Thantlang peng ah Telenor Phone GTL tung bunh ciami Thantlang khuachung he hmun 5 ah an bunh cang.

“Telenor phone tower hi company pahnih IGT le GTL nih tlaihmi a si. Thantlang peng chungah hmun 12 ah bunh kan i tim. Atu GTL company nih kan bunh cangmi hna khua cu; Sopum, Farrawn le Tlangpi khua ah a si i a tu hi Lungler, Tlangte le Tlangkhua ah kan bunh rih lai. Cu dih hnu ah bunh thanding in hmunhma kan zohnak cu Hriangkhan khualu bo, Ciriangtlang, Tikir, Tisen, Khuabung, Leitak, Surngen le Ruabuk khua an si” tiah Telenor GTL Company Engineer Tluang Za Hnin Thang nih The Chinland Post ah a chim.

“Tukum chungah papek in Hriangkhan, Ciriangtlang, Ruabuk, Tikir le Tisen khua hi bunh colh an si lai” tiah a chim chap.

Chinram chungah Telenor phone tung cu hmun 48 running tuah cangmi a si. Chinram chungah hmun 90-100 tiang phone tung bunh an timh. Telenor SIM Internet line zong Fiber Line in 4G hman khawh a si i phone Tower tung tu ahcun an bunh kho rih lo tiah theih a si.+++

About The Author

Na ruahning rak langhter ve.. (Leave a comment)