Khuate Zatlang Sipuazi Thannak Ding Ah Khuasak Le Khuaruahning Thlen A Herh

City Hunter| 2018 Tho 17| Sifah, taamhalnak a tlaunak ding tawlrel tuahtuannak lawng in khuate zatlang sipuazi nunning a thanchoter khawh lai i khuami lila zong nih an thutdir khuasakning le an khuaruahning an thlen ve a herh tiah Vice President Henry Van Thio nih a chim.

“Myanmar ram milu zatuak 70% renglo hi cinthlaknak hrambunh in khuate i khua a sami an si caah khuate thanchonak caah an biapi tuk. Pawngkam zatlang kongkau a zungzal in a thanchonak ding caah a thami ukhruainak phung pawl a herh tuk. Cu pin ah cozah leikap zong nih rampi thanchonak caah ramchung ramleng chawphumnak (investment) a tuahtu pawl caantha le lamtha serpiak an herh” tiah Vice President Henry Van Tho nihcun a chim.

Naypyidaw i Cinthlaknak, Zuatkhalhnak le Seemaing ministry zung October 16 zingka ah tuahmi 2018 kum World Food Day philhlonak ah Vice President Henry Van Thio nih biahuncah ah atu bantuk in a chim hi a si.

2017 kum FAO cathanh ning ah 2016 kum ah vawleicung milu 815 nuai renglo cu fakpi in taam-halnak caansaupi in an temtuar i hi milu hi 2015 kum nakin nuai 38 renglo an tamdeuh tiah theih a si.

Hi chung ah nuai 155 hi kum 5 tang ngakchia vitamen tampi an chambau i a sifak tukmi lakah zatuak 80% hi khuate ah khuasak in cinthlaknak he a paw aa cawmmi an si tiah theih a si.
Ref: Mizzima

Na ruahning rak langhter ve.. (Leave a comment)

%d bloggers like this: