KIA Headquarters Umnak Laiza Pawng Nansan Khuate Ah Kaphnih Karlak Entainak A Fak
The Chinland Post | 2023 June 22 — KIA Headquarters, Laiza pawng Nansan khuate ah Kaphnih karlak entainak a fak i kahdohnak a fah ṭhan lai hi thinphan a um tiah Nansan khuami nih Mizzima ah an chim tiah Mizzima nih a langhter.
KIA Headquarters a umnak Laiza khua luhnak Myitkyinar-Banmaw lam cung, Nansan khuate ah SAC ralkap pawl cawlcanghnak an tuah caah KIA he kahdohnak lei entainak a fak tiah Mizzima nih a langhter.
SAC ralkap pawl nih zei bantuk ruang hmanh ah Nansan tiva lei ah luhnak nawl an ngeih lo caah KIA nih an kah hna i Nansan khua pawng ah atu bantuk in kahdohnak a um ṭhan hi a si.
“Sui a co mi pawl tlaih ding in Nansan khuate lei ah SAC ralkap pawl an rak lut, KIA lei nih luhnak nawl a awnh lo nak hmunhma a si caah an kah hna” tiah Nansan khuami nih Mizzima ah a chim.
Sml 1 leng kahdohnak a rau mi June 16 kahdohnak ah KIA lei nih hriam pawl an lak khawh tiah theih a si.
About The Author
