Pakokku peng, Chuakkan Khua Ah Hmunhma A Khuar Mi SAC Ralkap Pawl Kahdohnak Ah 3 An Thi
The Chinland Post | 2023 June 22 — Magway ramṭhen, Pakokku peng, Chaukkan khua phungki sianginn ah hmunhma a khuar mi SAC ralkap pawl an kah hna i SAC ralkap 3 an thi tuah Chauk Guerrilla Force nih an thanh.
June 21 zaanlei sml 4:30pm hrawng ah thazang 30 hrawng nih hmunhma an khuarnak Chaukkan khua phungki sianginn i ralkap pawl cu Meters 150 hrawng in an kah hna caah SAC ralkap 3 an thi i aa hliam mi zong an um tiah an langhter.
Kahdohnak chung ah Burma Revolution Ranger, Chauk Guerrilla Force, Pakokku PPDF, Ba Nyein Guerrilla phu, Daung Army, Myaing Revolution Team, Black Dragon le adang PDF phu hna bawm in kahdohnak an tuah tiah theih a si.
About The Author
