KIA Le Kawl Ralkap An I Doh Than, Kachin Miphun Minung Thong Leng Nih  Khua An Chuahtak Than

TCP-Online| 2018 January 24| Kachin hriamtlai phu simi KIA le Kawl ralkap cu an i doh than caah Khachin miphun minung thong renglo nih an khua chuahtak in an zaam tak than ti thawng kan theih.

A luancia ni tlawmpal lio khan KIA ralkap le Kawl ralkap hna cu Kachin ram khuate pakhat ah fak ngai in an i doh /kah caah caah tubantuk in Kachin mi hna nih khua an chuahtak hi a si.

Tu i KIA le Kawl ralkap an i kahnak hmun cu a luancia 2012 lio zong khan an rak kahnak hmun a si i, tubantuk in khuami hna nih khua chuahtak in an rak zaam tak bal cang. Cuti a si tikah ral a vun daih hnu in khuami hna cu an khua ah an rak kir than. Tukum 2018 January thla thok khan an i kah than caah tubantukin khuami hna nih khua an thio tak than zong hi a si.

Hiti khua chuah tak in ral a zaam mi hna ah hin ngakchia le tar tampi an i tel (a minung zah cu theih lo a si).

Kachin ram ah Kawl ralkap lei nih an minung thazaang an vun karh chap lengmang hna tikah tubantuk in ral dohnak zong a chuak hi a si tiah Kachin ram remdaihnak lei riantunmi U La Maing Jon Ja nih a chim.

Ref; BBC

Leave a Commnet

%d bloggers like this: