May 21, 2024

Kim Jong-un Nih Rammi Caah Thil 10 A Khammi Na Hngal Cang Ve Maw?

0

City Hunter| 2018 June 8| North Korea ramuktu Kim Jong-un nih a ramchung ah nawl a chuahmi le a khammi thil phun 10 na hngal cang maw? Mah a khammi hi North Korea rammi paoh nih zulh dih dingmi a si. Cu phun 10 a tanglei ah rel khawh a si. Minute 4 chung video zong in zoh khawh a si.

1. Lengchuah Khuacuanh A Kham
North Korea ram ah duh paoh in zeibantuk lamcung paoh ah lengchuah, khuacuanh, hmanthlak tibantuk a ngah lo, a khamh. Cozah nih ri a khiahmi, hmunhma a sermi lam le hmunhma lawng ah kal khawh, khuacuanh khawh le hmanthlak khawh a si.

2. Biaknak kong A Kham
North Korea ram ah biaknak kong ceihmainak le tonpumhnak a khamh. Cu bantuk a tuahtu paoh a tlaih hna, thong a thlak hna.
3. Christmas Tuah A Kham
North Korea ram ah Christmas tuah a khamh. Christmas ai-ah birthday ni a lawmhpi hna.

4. Jeans Tawhrolh Hruk A Kham
North Korea ram ah Jeans tawhrolh (bawngbi) hruk an khamh.
5. TV Channel A Kham
North Korea ram ah TV channel pali lawng a um. Cu hmanh cu rampi cozah nih a ngeihmi le amah Kim Jong-un kong thanhnak channel an si.
6. Phone Le Internet
North Korea nih phone le internet hi fakpi in a tlaih rengh. North Korea ah internet a um lo. Anmah ramchung te lawng ah hman khawhmi net lawng a um. Cucu, cozah nih a tlaihrenghmi a si caah cozah nih a onhmi kong lawng zoh khawh a si.

7. Ngaihchiat Le Tahnak
North Korea ram ah thihloh ton tikah duh paoh in tah le ngaihchiat khawh a si lo, ngaihchiatning le tahning upadi an chuah. Kim Jong-un a pa a thih lio ah ngaihchiat le tahcaan ri an khiah. Cu chung ah a ngaihchia lomi le a tap liomi paoh dantat le thongthlak an si. Khuaruahhar a simi cu cu lio caan ah a ngaihchiami lawh lo ahcun thongtlak le thihdan tiang pek khawh a si. Cu lio ahcun zuu-din zong an khamh.
8. A thurhnommi muicawl (video) a kham
North Korea ram ah a thurhnommi video, cauk tibantuk a zohtu le a reltu paoh palek nih an tlaih hna.

9. North Korea In Tlik Le Zaam A Kham
North Korea ram ah ramdang mi siseh, ramchung cozah riantuantu zong duh cozah nih tlik le zaam a kham. Ramdang in khualtlawn duh hmanh ah a konglam fiangte in langhter hnu lawng ah a onh hna.
10. Sammeh ningcang Ri A Khiah
North Korea ram ah Kim Jong-un nih sammeh ningcang phun 28 lawng a onh. Pa caah phun 10 a si i nu caah phun 18 a si. Cu lawng si lo in pasal a ngei cangmi (aa thi-um cangmi) nu paoh samsauter a ngah lo, tawite in nan chiah lai tiah nawl a chuahchih.
Ref: MyanmaPlatform

About The Author

Na ruahning rak langhter ve.. (Leave a comment)

%d bloggers like this: