June 21, 2024

KNU Brigade 2 Hmunhma Ah Kahdohnak A Chuak I SAC Lei 19 Nak Tlawm Lo An Thi

0

The Chinland Post | 2023 April 3 — Karen ram, Tandaunggyi peng, Leiktho khua, KNU Brigade 2 hmunhma ah kahdohnak pehzulh in a chuak i SAC lei in 19 nak tlawm lo an thi tiah KNU Brigade 2 nih a thanh.

March 31 zaanlei sml 5:00pm hrawng ah Leiktho khua in a rak ṭum mi SAC ralkap mawṭaw 3 cu KNLA Brigade 2, Battalion 5 le PDF phufonh nih an kah hna i SAC lei 7 nak tlawm lo an thi, zaan ah kahdoh a chuaknak pawng khuate mipi inn 8 SAC ralkap nih an khangh tiah theih a si.

April 1 zinglei sml 9:00am hrawng ah Thanmoe khua in a rak ṭum mi SAC ralkap pawl Mokoo khua an phak ah KNLA Brigade 2, Battalion 5 le PDF phufonh nih Sniper in an kah ṭhan hna i SAC lei 2 an thi, zinglei sml 10:20am hrawng ah Seikkone khua ah an doh ṭhan hna i 10 nak tlawm lo an thi.

Kahdohnak chung ah a sung tuk mi SAC ralkap pawl nih hriamngan/hme kah thlorh in an kah tiah theih a si.

About The Author

Na ruahning rak langhter ve.. (Leave a comment)