Nattalin Ah Hmunhma A Khuar Mi SAC Ralkap An Kah Hna, 1 A Thi I Hriam Zuun 1 An Lak Khawh, PDF 2 An Nunnak A Liam Ve
The Chinland Post | 20 April 3 — Bago ramṭhen, Nattalin peng, Kyatmanat khua ah ṭha le rem tein hmunhma a khuar cang mi SAC ralkap pawl April 1 ah PDF phufonh nih an kah hna i SAC ralkap 1 a thi, hriam zuun 1 an lak khawh tiah Bago PDF nih an langhter.
Kahdohnak hi a naih tein tuah mi a si i SAC ralkap 1 a thi, 2 an i hliam. Kahdohnak chung in MA3 zuun 1, kuan 20 le Grenade 1 an lak khawh tiah theih a si.
Kahdohnak lio ah Tayarwaddy PDF B3801, Company 2 in hriamtlai 2 nih ram le miphun caah an nunnak an pek tiah theih a si.
About The Author
