KNU Brigadier 5 Hmunhma Um SAC Ralkap Molocu Le Sawtha Sakhan Laknak Ah SAC Ralkap 70 An Thi, Hriamnam Tampi An Lak Chih
The Chinlandpost | December 20, 2023 — Karem ramkulh KNU Brigadier 5 umnak ah SAC ralkap nih hmunhma tha tuk in an laknak Molocu le Sawtha ralkap sakhan kahdohnak ah SAC ralkap 70 an ruak in hmuh an si i, hriamnam tampi lak chih a si tiah KNU-Muthaw nih thawngthanhnak a tuah.
December 16 ni zaan 12:30am ah KNLA brigadier 5 ralkap le Karenni ralkap-KNPP, Karenni miphun tling ralkap KNPLF tiah mipi ralkap hna nih SAC LIB 57 sakhan Molocu timi Pethar sakhan le Sawtha sakhan 2 cu an lak.
Mah kahdohnak ah SAC ralkap a thi mi 70 ruak hmuh a si i, mi tlawn te nih hliam an tuar le a tli mi an um tiah theih a si. Mipi ralkap lei 5 nih ram caah nunnak an pek.
Sakhan lak kahdohnak in hriamnam lak khawh mi hna cu — 81 MM zuun 1 le kuan 12, RPG-7 zuun 1 le zen 40, kuan 38, K-3 Muter zunn 3, K-3 zuun 16, kuanbawm 45, kuan 14,177, G-3 zuun 1, Setlet meithal zuun 1 le kuan 178, BKM sehleh zuun 1 le kuan 946, sehleh hmemi zuun 1, 60 MM zuun 1 le kuan 8, 60MM long range kuan 8, 9 mm Pistol 2, bom 17, kutcheh bom 12, 14 MM bom 91, 16mm bom 12, kutchehbom 12, Nato sehleh kuan 5,500, hmaichuah bom per 8, bom kawlnak seh 1, Operator seh lian 1 Drone kahnak 1 an lak khawh tiah Khit Thit sin in theih a si.
About The Author
