KNU hmunhma vanlei kahdohnak voi 300 leng chung ah mipi 36 an thi
The Chinland Post | 2023 February 22 — SAC nih hramhram in uknak a lak caan kum 2 chung KNU nih a tlaihnak hmunhma ah SAC nih vanlei kahdohnak voi 307 a tuah i cu chung ah sualnak ngei lo mipi 36 an thi i 57 an i hliam tiah KNU nih February 21 ah a thanh.
Vanlei kahdohnak pawl hi sualnak ngei lo mipi tinh in a tuah mi a si i hriamtlai phu karlak kahdohnak hmunhma i vanlei kahdohnak pawl telh a si lo.
Vanlei kahdohnak ruang ah mipi inn 258, sianginn 12, sizung 6, mipi ngeih mi inn 35 le biaknak lei inn 13 a rawk tiah KNU nih a chim.
Hramhram in uknak lak caan kum 2 chung KNU hmunhma ah kahdohnak 8,000 leng a chuak i ralzaam sing 4 deng an phan cang tiah KNU nih February 14 ah a rak langhter.
About The Author
