SAC nih Thantlang khuachung le CNA sakhaan 1 vanlei in bom a thlak
Chin National Army, Photo: Chin Information Center (2021)
The Chinland Post | 2023 February 23 — Chin ramkulh, Thantlang khuachung le CNA sakhaan hme pakhat cu SAC nih vanlei in bom a thlak tiah theih a si.
February 22 zinglei ah Thantlang khuachung ah a um mi CNA le CDF pawl hmunhma an khuarnak pawl ah chun sml 12:30pm ah voikhat le zaan sml 12:00am hrawng ah Thantlang peng Bualpi khua sakhaan ah voikhat tiah bom a thlak tiah theih a si.
“Jet 2 in Thantlang khuachung le Bualpi camp bom a rak thlak, dornak cheukhat a rawk, minung aa hliam mi an um lo” tiah CNA biachimnak nawl a ngeitu Salai Htet Ni nih Mizzima ah a chim.
Thantlang khuachung ah a um mi SAC ralkap sakhaan ah Helicopter in aa hliam mi pawl a rak lak hna i hriam zong a chap tiah theih a si.
