Kum 13 Sinum Hremtu An Tlaih I Taza An Cuai
Hakha-TCP |2018 November 8| Kum 13 lawng a si rihmi sinum ngakchianu te faktuk in a hremtu innngeitu nu cu Yangon ah an tlaih i taza an cuai tiah Palek zung nih an thanh.
Hi ngakchianu te faktuk in a hremtu nu hi Yangon ah khuasa mi a si i a min ah Ma Thein Ki Tun kum 33 a si.
Mayangone peng, Cherry lam ummi sinum nute innngeitu nih a hrem timi kong cu November 5 zaan ah No.2 sang uktu pumpak nih a kal hnawh hna i hlathlainak a tuah.
Cuka ah cun ngakchainu te kum 13 a takpum chungah cun hmape lawngtein a khatmi ka hmuh tiah a chim. Cu a hmapawl cu Ma Thein Ti Kum nih November 5 ah a ke in a chuihnak pawl a si tiah palek thawngzamh nih an langhter.
Hi sinum ngakchianute hi a luancia thla 2 ah khan namte in ziahnak hmape a kut awrh le kehlei ah a um. Cun a luancia kum 1 hrawng ah khan meisa in a kanghnak a ke ah hmape, tisa in a tawihnak a ken ah hmape, nam in a ziahnak alu ah hmape pawl an hmuh.
Hi sinum ngakchia nute cu Yangon Insein sii-inn ah thinphang ngai in sii aa thlawp lio a si. Ngakchianute hremtu Ma Thein Ki Tun cu palek nih Thong kum 10 tla ding ah Pohmah 326 in dantaknak an pek tiah palek nih an langhter.
Ref: Duwun
About The Author
