Kumkhat Chung Ah Nu 400 Hrawng Ralkap Ruang Ah An Thi
The Chinland Post | 2024 January 5 — 2023 kumkhat chung ah ralkap phu ruang ah Myanmar ramchung nu 392 an thi i tlaih a tong mi 541 an um tiah Burmese Women’s Union nih January 2 ah a thanh.
Atu cazin hi 2023 January 1 in December 31 tiang BWU nih a khawmhsuat mi a si.
Kumkhat chung ah tlaih a tong mi nu 541 chung ah 318 cu sualphawtnak an tuah cang hna tiah BWU nih a thanh.
A thi mi nu hna hi ralkap lei vanlawng kahdohnak, hriamngan kahdohnak ruang ah a thi mi an tam bik i a nung in khangh mi, meithal in kah ruang le tlaih hnu ah thah mi zong an i tel tiah theih a si.
Cun hramhram in uknak lak a si hnu ah ralkap phu nih nu pawl kha biahalnak an tuah tik hna ah an hrem hna, nupa sualnak lei an tuahpi hna tiah BWU nih a chim.
2021 February 1 in 2023 December thla tiang ralkap ruang ah Myanmar ramchung nu 700 leng an thi cang i tlaih a tong mi 3,200 leng an um tiah BWU nih thawngthanhnak an tuah.
About The Author
