Kyaik Htee Yoe pura tlang kainak gate an kah hna, SAC ralkap le palek 15 hrawng an i hliam
The Chinland Post | 2022 October 12 – Mon ram, Kyaikto peng, Kinmon khua pawng, Kyaik Htee Yoe pura tlang kainak ah a ummi SAC ralkap pawl cu min theih lo phu nih October 12 ah an rak kah hna i SAC ralkap nih a pawngkam cu hriamngan/hme in a kah caah mipi 3 an thi i cheukhat an i hliam tiah theih a si.
“Kaphnih karlak kahdohnak a chuak. Ralkap nih mipi butnak lei an kah i minung 3 an thi” tiah Khit Thit ah a chim.
Cuka hmunhma thawngzamh pawl nih an langhternak ah Kyaik Htee Yoe pura tlang kainak SAC ralkap gate an kah hna i 15 hrawng sizung an kuat hna tiah an langhter.
About The Author
