Taze peng kahdohnak ah SAC ralkap 20 nak tlawm lo an thi

The Chinland Post | 2022 October 12 – Sagaing ramṭhen, Taze peng, Shwetah khua ah a rak lut mi SAC ralkap le Taze PDF hna cu October 11 zinglei sml 9:00am hrawng ah kahdohnak a chuak i SAC ralkap 20 nak tlawm lo an thi i 20 hrawng an i hliam tiah Taze PDF nih a thanh.

Thazang 100 hrawng a simi SAC ralkap le pyusawhtee pawl cu Taze PDF battalion 6, 7 le dang mipi hriamtlai phufonh nih hriamngan, hriamhme le Sniper in an kah hna hi a si tiah theih a si.

Cu hnu ah hmai a fongmi SAC ralkap pawl cu Mubaung pawngah Shwebo pengkomh battalion 25 TPC nih bom an puah hnawh hna i 10 an thi chap tiah theih a si.

Cu SAC ralkap pawl le mipi hriamtlai phufonh hna cu Taze peng, Deyauk khua pawng October 8 ah kahdohnak a chuak ṭhan i hriamtlai 7 an nunnak a rak liam.

Na ruahning rak langhter ve.. (Leave a comment)

%d bloggers like this: