Kyaikmaraw Chaunghnakhua sakhaan cu KNLA le Red Dragon phu nih an kah, palek 4 le hriam an lak khawh

The Chinland Post | 2022 November 14 – Mon ram, Kyaikmaraw peng, Chaunghnakhua palek sakhaan cu KNLA le Red Dragon phufonh nih an kah hna i palek 4 a nung in an tlaih hna, hriam zuun 7 le adang thilri pawl an lak khawh tiah Red Dragon phu nih a thanh.

Kyaikmaraw peng, Chuanghnakhua palek sakhaan cu KNLA phufonh le Red Dragon phu nih an kah hna i palek 3 an thi, 2 an zaam i 4 a nung in an tlaih hna leng ah hriam zong an lak khawh.

Kahdohnak chung ah AK 47 zuun 1, M 16 zuun 4, G3 zuun 1, 60mm zuun 1, bomrap 2, AK 47 kuan 200, M16 kuan 500, G3 kuan 300 le 60mm kuan 10 hna an lak khawh tiah theih a si.

Na ruahning rak langhter ve.. (Leave a comment)

%d bloggers like this: