Kanbalu khua a khang mi SAC ralkap bomrap an puah hnawh hna, 40 hrawng an thi kho

The Chinland Post | 2022 November 14 – Sagaing ramṭhen, Kanbalu peng ah a um mi Inma khua le Pintha khua a khang mi SAC ralkap pawl bomrap an puah hnawh hna i 40 hrawng an thi kho tiah PDF sin in thawng kan theih.

November 12 zinglei ah SAC ralkap phu 2 cu Inma khua le Pintha khua an luh lioah bomrap an puah hnawh hna hi a si i SAC ralkap 40 hrawng an thi tiah theih a si.

SAC ralkap pawl cu bomrap puah hnawh an ton ruangah Inma khua an khangh dih i Pintha khua a khang mi SAC ralkap pawl zong bomrap an puah hnawh chap hna i SAC ralkap 2 an thi tiah theih a si.

“Inma khua ah nizaan ah a cang. Zinglei sml 9:00am hrawng ah bomrap an puah hnawh hna i 60 hrawng an thi tiah kan theih. Pintha khua le Inma khua SAC ralkap pawl an i fonh i Inma pungki sianginn ah hmunhma an khuar” tiah khuami pakhat nih Khit Thit ah a chim.

Na ruahning rak langhter ve.. (Leave a comment)

%d bloggers like this: