Kyainseikgyi Ah Riahcaw Phor SAC Ralkap An Kah Hna, Second Battalion Commander Telh In 3 An Thi
The Chinland Post | 2023 June 13 — Karen ram, KNU Brigade 6 hmunhma, Kyainseikgyi peng, Kwilonetai sakhaan ah riahcaw le hriam chanh ding in a kal mi SAC ralkap an kah hna i Second Battalion Commander telh in 3 an thi, a tang mi SAC ralkap pawl bel Thai ram lei ah an zaam tiah S.O.F nih a thanh.
June 3 ah riahcaw a phor mi SAC ralkap pawl cu KNLA Special Operation Force (S.O.F) phufonh nih Sniper hmang in an kah hna, kahdohnak sml cheu chung ah Sniper kut in SAC lei Second Battalion Commander le adang 2 an thi i 13 an i hliam tiah theih a si.
A sung mi SAC ralkap pawl cu Thai ram lei ah an zaam i kahdohnak ruang ah mipi hriamtlai phufonh lei 5 bom ci nih a khen hna tiah S.O.F nih an thanh.
About The Author
