Pyinmana Peng Ah A Um Mi SAC Ralkap Sakhaan 1 PDF Phufonh Nih An Luh Hnawh Hna
The Chinland Post | 2023 June 14 — Pyinmana peng ah a um mi SAC ralkap sakhaan 1 cu PDF phufonh pawl nih an luh hnawh hna tiah Naypyitaw PDF nih a thanh.
June 12 zinglei sml 7:00am hrawng ah Pyinmana peng, Mwaihomyaung pura tlang ah a um mi SAC ralkap sakhaan cu Naypyitaw PDF B1004, KA phufonh hna nih an kah hna hi a si.
Cu sakhaan luh hnawh nak ah SAC lei a thi mi le hliam a tuar mi an um ko nain cazin a fiang in theih a si rih lo, Machine Gun zuun 1, MA3 zuun 1 le kuanzen pawl kan lak khawh tiah Naypyitaw PDF nih an thanh.
Cu SAC ralkap sakhaan ah SAC ralkap thazang 60 hrawng an um tawn i zinglei sml 7:00am hrawng in 10:00 tiang sml 3 chung kahdohnak a fak i PDF 1 fak tuk lo in aa hliam tiah an langhter.
About The Author
