Kyainseikgyi Ah SAC Ralkap Pawl Drone In Bom An Thlak Hna, Ralbawi Telh In 2 An Thi
The Chinland Post | 2023 July 6 — Karen ram, Kyainseikgyi peng ah a um mi SAC ralkap pawl nih hmunhma an khuarnak pawl cu Drone in bom an thlak hnawh hna, hriamngan in an kah hna caah SAC ralbawi 1 le adang ralkap 1 an thi tiah Cloud Wings Drone phu nih an thanh.
June 29 thawk in Kyainseikgyi peng ah a um mi SAC Infantry 283 Headquarters, Kuhkhua sakhaan, Abit SAC ralkap gate, Khalayhtakhuntai palek sakhaan le SAC ralkap pawl nih hmunhma an khuarnak pawl cu KNLA, S.O.F, Cloud Wings Drone phu le adang PDF phu pawl bawm in 81MM, 60MM le hriamngan pawl hmang in nifatin voi tampi an kah hna.
Cubantuk in hriamngan le Drone bawm in an doh hna caah SAC ralkap pawl hmunhma an khuarnak a rawk i cu chung ah SAC ralkap hriamngan ralkap 318 in ralbawi 1 le adang ralkap 1 an thi i 5 nak tlawm lo an i hliam tiah theih a si.
SAC ralkap lei zong nih 120MM, 81MM, 60MM hriamngan in hmunkip an kah nain KNLA phufonh lei an him tiah theih a si.
About The Author
