KIA le SAC Ralkap Karlak Nansanyan Kahdohnak Ah SAC Ralkap A Thi Mi An Tam, Hriam Zong An Lak Khawh
The Chinland Post | 2023 July 6 — Kachin ram, Waimaw peng, Nansanyan khuate lei ah Banmaw in thazang a rak chap mi SAC ralkap pawl KIA nih lam in an bawh hna i an kah hna tiah thawng theih a si.
SAC ralkap pawl Nansan khuate lei ah hriamngan an kah i vawlei lei in kahdohnak an tuah, Nansanyan hi Laiza he ramri aa peh mi an si caah Laiza lei an an tlerhkhawn hna a si kho men i Nansanyan khua hi ahlan ah SAC ralkap pawl nih hmunhma an khuarnak a si caah atu hi uk le tlaih khawh ṭhan an si zuam. July 3 ah KIA nih SAC ralkap pawl an kah hna hi a si.
Kachin ram le Shan ram chung thawngpang pawl a langhter tawntu 7 Star New nih cun Kachin ram, Waimaw le Nansanyan khuate pawng July 3 kahdohnak ah SAC ralkap a thi mi an tam i SAC ralkap Machine Gun zuun 1, 60MM 1, MG zuun 1, MG dohnak 1 le meithal zuun 3 hna KIA nih an lak khawh i SAC ralkap ruak 2 zong an hmuh tiah a langhter.
About The Author
