Kyainseikgyi Kahdohnak Ah SAC Ralkap 5 An Thi, Ralkap Nih Minung 2 An Kah Hna
The Chinland Post | 2023 July 17 — Karen ram, Kyainseikgyi peng ah SAC ralkap le Lion Battalion Commando phufonh hna karlak ah kahdohnak a chuak tiah theih a si.
July 14 ah Winye khua, Palain khua le Khalay khua pawnghrawng ah a rak lut mi SAC ralkap Sah-kah-khah 13 (Bokepyin) kuttang Battalion pawl le Lion Battalion Commando hna karlak ah kahdohnak a chuah hi a si.
Kahdohnak a chuah hnu ah SAC ralkap pawl nih khualtlawng mipi mawṭaw 1 an tlaih i minung 2 cu meithal in an kah hna caah an thi tiah Lion Battalion Commando thawngthanhnak in theih a si.