June 21, 2024

Khalay-Tankhundai Kahdohnak Ah SAC Ralkap 15 Nak Tlawm Lo An Thi

0

The Chinland Post | 2023 July 17 — Karen ram, Kyainseikgyi peng, Khalay-Tankhundai khua le Paling khuate pawnghrawng kahdohnak ah SAC ralkap 15 an thi tiah KNLA lei thawng petu nih Mizzima ah a chim.

A luancia July 14 ah Abit-Khalay-Takhundai lam in Kyainseikgyi peng, Khalay-Takhundai khuate ni tlaklei ah thazang chap ding in a rak lut mi SAC ralkap 80 hrawng cu KNLA Brigade 6 nih an kah hna caah kahdohnak a fak.

“A chunglei thawngpang kan theih mi ah SAC lei 15 hrawng an thi. Mipi hriamtlai phufonh lei a si mi Naga Ni phu in 3, Taungnyo phu in 2 tiah an zapi 5 hliam an tuar” tiah KNLA lei thawng petu nih Mizzima ahcun a chim.

Kahdohnak hi zaanlei tiang a fah caah SAC nih Mi-35 in vanlei kahdohnak a rak bawmh hna tiah theih a si.

A luancia July 11 le July 12 zong ah Nyeinchanmyaing ah a rak lut mi SAC ralkap le KNLA Brigade 5, PDF phufonh hna karlak ah kahdohnak a chuak i SAC ralkap 5 an thi, 13 an rak i hliam.

About The Author

Na ruahning rak langhter ve.. (Leave a comment)