Kyainseikgyi Peng Ah SAC Ralkap KNLA Nih An Kah Hna
The Chinlandpost | November 2, 2023 — Myanmar-Thailand ramri, Karen ramkulh, Kyainseikgyi khua pawng um SAC sakhaan telh in khuachung um SAC ralkap pawl cu Karen hriamtlai le tangṭi ralkap nih an kah i, khuachung hmun tamdeuh ah mipi hriamtlai phu nih hmunhma an khuar cang tiah theih a si.
November 2 zing 4:00am ah Karen hriamtlai ralkap nih SAC pawl hmunhma an khuarnak khuachung um palek sakhaan, GAD zung le khuachung hmun tam deuh ah an kahdohnak an tuah.
Kyainsekgyi Phayartungsu ah lampi an khar, Kyainseikgyi khuachung um palek sakhaan, Kuilethte, Kanelay sakhan telh in peng pawngkam um ralkap sakhaan cu KNLA le tangṭi ralkap hna nih an kah hna.
“ Atutiang ah ralkap sakhaan hme pawl lak a si cang, SAC lei a thi mi cazin theih fiang a si rih lo. Kyainseikgyi ah ralkap byuha ဗျူဟာ battalion telh in LIB 284, LIB 32, phu 3 cu kulh an si dih cang i mah ralkap battalion pawl kahdoh hnu cun Kyainsekgyi khuapi lak a si cang ko lai” tiah KNLA Colonel Da Bu nih DVB ah a chim.
Kyainsekgyi khuachung in Thai-Myanmar ramri pawngkam Kun Lun Taing sakhaan, Ka Ne sakhaan cu KNLA nih voikhat nam in an kah hna tiah theih a si.
About The Author
