Kyathto Palek Sakhaan Kahdohnak Ah SAC Chungtel 10 An Thi
The Chinland Post | 2023 August 4 — Pakokku peng, Kyathto khuate palek sakhaan cu PDF phufonh pawl nih an kah hna i SAC ralkap le palek 10 hrawng an thi, tampi an i hliam tiah Yinmarbin pengkomh B27 nih thawng a thanh.
Kyathto khuate palek sakhaan cu PDF phu 18 leng nih August 1 ah an va kah hi a si.
Kahdohnak hi sml 1 leng a rau i sakhaan lak khawh ding dirhmun a si ko nain kuan nih a zat hna lo ruang, SAC ralkap bawmtu pawl an rak chap hna ruang ah PDF phu pawl hnu an kir ṭhan tiah theih a si.
Kyathto palek sakhaan ah SAC ralkap le palek 40 hrawng an um i khuami hna sin in eiawk le facang pawl hramhram in an chuh hna tiah theih a si.
Kyathto palek sakhaan kahdohnak ah Yinmarbin pengkomh B27, Yomayarzar, hna telh in PDF phu 18 nak tlawm lo an i bawm tiah theih a si.
About The Author
