KNU Brigade 5 Hmunhma July Thla Chung Kahdohnak Ah SAC Ralkap 109 An Thi, SAC Ralkap Inn 3 le Stallion 41 An Hrawh Khawh
The Chinland Post | 2023 August 4 — Karen ram, KNU Brigade 5 hmunhma, July thla chung ah kahdohnak voi 189 a chuak i SAC ralkap 109 an thi, ralkap inn 3, mawṭaw 1 le Stallion 41 an hrawh khawh tiah thawng an thanh.
July 1 in July 31 tiang KNLA le SAC ralkap, BGF, hna karlak ah kahdohnak voi 189 a chuak i SAC ralkap 109 an thi, 82 an i hliam tiah theih a si.
Kahdohnak pawl chung ah SAC ralkap zung 3, raltuknak thilri le eidin an phorhnak mawṭaw (VIGO) 1 an hrawh khawh hna leng ah SAC ralkap nih an hman mi Stallion 41 an thi, 30 an i hliam tiah an langhter.
Kahdohnak chung ah KNLA lei 1 a nunnak a liam i 5 an i hliam tiah theih a si.
July thla chung ah SAC ralkap nih khuate, lei, lo hna ah hriamngan lung 11 a kah i kahdohnak vanlawng in bom lung 12 a thlak caah mipi 2 an i hliam tiah KNU sin in thawng theih a si.
About The Author
