Kyaukme le Namhkham Ah A Um Mi Ralkap Sakhaan 2 TNLA Nih An Lak
The Chinland Post | 2023 December 6 — Shan ram chaklei, Kyaukme le Nanmhkham ah a um mi ralkap sakhaan 2 cu TNLA nih an lak tiah thawng theih a si.
December 5 zaan sml 8:00pm hrawng ah, Kyaukme peng ah a um mi ralkap Mai-lung sakhaan cu TNLA nih an lak khawh hi a si i cu sakhaan TNLA nih an luh hnawh hna lio ah ralkap pawl cu an zaam len i sakhaan chung in 80/60MM hriamngan telh in hriam phun 13 le kahdohnak thilri pawl an lak khawh tiah TNLA nih thawng an thanh.
Cu bantuk in December 5 zaanṭim ah Namhkham peng ah a um mi ralkap Mai-wi sakhaan cu TNLA nih an lak khawh i mah sakhaan hi TNLA nih December 2 in an kah cang i ni 4 a rauh hnu December 5 ah tlamtling tein an lak khawh ve. Sakhaan chung in 80/60MM telh in hriam phun 10, kuanzen le kahdohnak thilri tampi an lak ve tiah theih a si.
Atu an lak khawh mi sakhaan 2 telh in, Operation 1027 an thawk ni October 27 in December 5 tiang ah TNLA nih ralkap sakhaan 53 an lak khawh cang tiah theih a si.
About The Author
