Paletwa Um Ralkap Ta-run-ai Sakhaan AA Nih An Lak Hnu Ah Hnung-bu Sakhaan Zong An Kah Chap

0

The Chinland Post | 2023 December 6 — Chin ramkulh, Paletwa peng ah a um mi ralkap Ta-run-ai sakhaan cu AA nih an lak hnu ah ralkap Hnung-bu sakhaan zong an kah chap tiah AA nih a thanh.

Ralkap Ta-run-ai sakhaan cu December 4 ah tlamtling tein an lak khawh hnu ah ralkap Hnung-bu sakhaan zong cu ni ṭhiamṭhiam ah an kah beh tiah theih a si.

Ralkap lei nih December 6 zinglei sml 8:45am thawk in Jet vanlawng, hriamngan pawl in Hnung-bu sakhaan cu kham an bawmh hna i AA lei zong nih kahdohnak fak taktak an tuah tiah an langhter.

Paletwa peng um ralkap Ta-run-ai sakhaan cu ni 20 leng an kah hnu ah AA nih an lak khawh hi a si.

November 14 in kahdoh an thawk mi Ta-run-ai sakhaan cu December 4 chun sml 1:00pm luan hrawng ah tlamtling tein an lak khawh i cu ni 20 leng caan chung ah ralkap lei nih van lei, hriamngan, Chemical Warfare Agents aa tel mi bom pawl in chun/zaan a kah hna tiah theih a si.

Ta-run-ai sakhaan lak kahdohnak chung ah ralkap lei a thi mi an tam. Sakhaan chung in hriam, kahdohnak thilri pawl zong an lak khawh bantuk in AA ralkap cheukhat a thi mi zong an um tiah theih a si.

About The Author

Na ruahning rak langhter ve.. (Leave a comment)

%d bloggers like this: