Kyauktaw Hrambunh LIB 539 Commander Telh In Battalion Dihlak Minung 300 Leng Thandar Rang Thlir In AA Sin Ah Hriam An Thlak
The Chinland Post | January 17, 2024 — Rakhine ramkulh, Kyaukdaw hrambunh SAC LIB 539 Commander telh in battalion ralkap le innchungkhar minung 300 leng kai cu January 16 zing 11:00am ah thandar rang thlir le hriamnam chia in Arakan Army AA sin ah a sung an pek tiah theih a si.
“January 15 ah an battalion kan kulh dih cang. January 16 zing kahdohnak a fah caah kan kap ti hlah uh tiah thandar rang kan thlir tiah” an ti tiah AA sin in theih a si.
“539 battalion commander telh in ralkap 300 thandar rang thlir in hriam an thlak tiah AA lei nih an chim. SAC ralkap lei minung 300 hrawng an si tiah Burma Media Consortium-BMC nih a chim.
Video langhternak ahcun ralkap innchungkhar telh in ralkap tampi hriam an chiah mi hmuh khawh a si. Minute 2 video langhternak ah hin cun signal a that ruang ah minute 1 chung lawng hmuh khawh a si caah ralkap pa zeizah nih hriam an chiah ti theih khawh a si lo.
SAC ralkap pawl a thi duh lo mi nih tuan tein thandar rang thlir in hriam chia uh tiah Arakan Army AA Chief bawizik Twan Mrat Naing nih January 15 ah ralring peknak cu social media ah a langhter.
Photo- LIB 539 battalion dihlak thantar rang thlir in hriam an thlaknak hmanthlak
About The Author
