Lailenpi Khua In SAC Ralkap 1 CDF-Mara Sin Ah Hriam He CDM A Tuah
The Chinland Post | 2023 April 21 — Matupi peng, Lailenpi khua ah a um mi SAC ralkap sakhaan in ralkap pakhat CDM a tuah tiah CDF-Mara nih a thanh.
Lailenpi khua ralkap sakhaan ah riankhinh a si mi ralkap Hlaing Myo Oo cu April 16 zaanlei ah CDM a tuah hi a si.
Mipi sin ah aa rak fonh mi ralkap nih MA-3 kuanbawm 3, Grenade 2, kuan 250 hrawng he CDM a tuah tiah an langhter.
Mipi sin aa rak fonh mi ralkap cu CDF-Mara nih tangka sing 50 laksawng an pek i himnak hmun ah an kuat tiah theih a si.
About The Author
