SAC phu nih sualnak ngei lo mipi 3,420 leng an thah cang hna

0

The Chinland Post | 2023 April 21 — Myanmar ram ah hramhram in uknak lak a si hnu kum 2 leng chung ah SAC ralkap nih sualnak ngei lo mipi 3,422 a thah cang hna i a tlaih/hren mi minung 21,467 tiang an um cang tiah Assistance Association for Political Prisoners (AAPP) nih a thanh.

Atu cazin hi 2021 February 1 in 2023 April 20 tiang AAPP nih a khawmhsuat mi a si i khawmhsuat khawh mi lengah a thi mi an tampi rih lai tiah a langhter.

Pau Dothlennak chun, tuni tiang ah minung 17,563 an tlaih/hren cang hna i cu chungah minung 5,642 cu thawngthlak ding in biakhiah an si.

Dothlennak he pehtlai in an tlaih/hren hna i thah ding tiah bia an khiah mi 110 an um i hriawh in thah ding tiah biak an khiah mi 42 telh in minung 121 cu hriawh in thah ding tiah biakhiah an si caah thah ding tiah biakhiah a simi an zapi te 152 an si cang.

Atutiang ah biakamnak he thlah ṭhan cang mi hna 3,882 an um cang tiah a langhter.

About The Author

Na ruahning rak langhter ve.. (Leave a comment)

%d bloggers like this: