Leiktho khua kahdohnak ah SAC ralkap 15 an thi
The Chinland Post | 2023 January 31 — Karen ram, Leiktho peng ah kahdohnak a chuak i SAC ralkap 15 an thi tiah Northern Thandaung Defense Force (Special Region) sin in thawng theih a si.
January 25 zinglei ah Leiktho peng, Kone khua ah thazang 100 leng in a rak lut mi SAC ralkap pawl cu Nothern Thandaung Defense Force (Special Region) nih an kah hna i SAC ralkap 5 an thih caah SAC ralkap pawl cu an kir ṭhan tiah theih a si.
A kir mi SAC ralkap pawl cu January 26 chun ah Leiktho peng Seikphukone khua ah an kah ṭhan hna i SAC ralkap 4 an thi chap, cuka hmun kahdohnak ah bawmh ding in a raa mi SAC ralkap pawl zong Thitgyi khua pawng ah an kah hna i SAC ralkap 6 an thi tiah theih a si.
Kahdohnak pawl chung ah SAC ralkap 15 an thi i Nothern Thandaung Defense Force in hriamtlai 1 kuan nih a hliam (thinphan awk um lo) tiah theih a si.
About The Author
