Loikaw peng Kayantaya lamṭhen ah hmunhma a khuarmi SAC ralkap Sniper in an kah hna i 7 an thi

The Chinland Post | 2022 September 28 – Karen ram, Loikaw khua chuahnak, Kayanthaya lamṭhen ah hmunhma a khuarmi SAC ralkap pawl cu Sniper in an kah hna i SAC ralkap 7 an thi tiah Central Regiom Task Force nih September 27 ah an thanh.

Central Region Task Force le KNDF battalion 2 hna fonh in September 27 zinglei sml 10:00-12:30pm tiang Kanyanthaya lamṭhen ah hmunhma a khuarmi SAC ralkap pawl an kah hna hi a si tiah theih a si.

Sniper phu nih kah ruangah a sung deuhmi SAC ralkap pawl nih Machine Gun, Sniper le 60MM pawl in an rak kah ṭhan ve hna nain mipi hriamtlai phufonh lei him tein an kir kho tiah theih a si.

Central Region Task Force cu Karen ram hmun tampi ah hmunhma khuar in SAC ralkap a dohtu phu an si.

Na ruahning rak langhter ve.. (Leave a comment)

%d bloggers like this: