Magway ramṭhen Kingmant Chaungson khua mipi inn 170 leng khanghpiak a si

 

The Chinland Pist | 2022 April 20 –  Magway ramṭhen, Pauk peng, inn 300 hrawng an umnak Chaungson khua ah a ciam dihmi inn 76 le a cheu a kaangmi in 70 leng tiin a zapi te inn 150 hrawng a rawk tiah khuami hna nih an chim.

Cubantuk in, Kingmant khua inn 20 hrawng a kaang tiah theih a si. Kingmanh khua le Chaungson khua cu SAC ralkap nih April 18 ah an luhhnawh hna i inn 170 leng an khangh tiah theih a si.

“A zapi tein a kaangmi hi inn 76, tlawmpal tete in a kaangmi he fonh ahcun inn 150 a luan lai. A kaang lomi inn zong an um. 100 hrawng an kang lo”.

Chaungson khua mipi 1,000 leng zong himnak hmun ah an zaam tiah theih a si.

Cuka hmunhma ah mipi hriamtlai phu le SAC ralkap karlak ah kahdohnak a chuak. Cu kahdohnak ruangah khua mei in an khanghmi hi a si tiah mipi hriamtlai phu nih an chim.

“A luancia ni tlawmpal ah Shahla khua an khangh, Shahla in Taungcho an khangh. Taungcho in Kyauk U an phan. Kyauk U ah nithum an caam. Cuka ahcun kahdohnak a chuak. An phak a nikhatnak ni ah 20 an thi. Nithum a rauh hnu ah an kir ṭhan i Taungcho ah a thli tein an lut i kingmant khua an tan. Kinmant khua i a tangmi inn 20 leng an khangh”.

Khuachung a rak lutmi ralkap hi 90 leng an si tiah a chim.

Inn 250 leng a umnak Kingmant khua cu a luancia May 15 ah voikhat, June 15 ah voikhat tiin a zapi te inn 150 leng an khangh.

April 18 zongah inn 20 leng an khangh chap caah khua ning piin inn 170 leng khanghpiak an si cang tiah Kingmant khuami nih an chim.

April 18 ah an khanghmi inn hi a hlan an khangh lio ah a rak kaang lomi inn pawl an si tiah a chim.

“Khuachung ka chawh tikah, a hlan ah a rak kaang lomi inn pawl an khangh chap hi a si”.

A luancia April 6 le 7 thok in Magway ramṭhen, Pauk, Seihphyu, Pakokku peng ramri ah  umi khuate 20 nak tlawm lo cu SAC ralkap nih an khangh caah mipi inn 1,000 leng a ciam i mipi 15,000 leng ramtang ah an zaam tiah khuami hna nih an chim.

Ref:RFA

Na ruahning rak langhter ve.. (Leave a comment)

%d bloggers like this: