Mahlaing Peng Private Sianginn Ah 100% An Awng I Minung 123 Nih 6D An Hmuh

City Hunter| 2018 June 3| June 2 ah a chuakmi Myanmar ram pumpi huap tanghra result ah Mandalay ramthen, Mahlaing Myo Family Private siangsangruun cu an sianginn ningpi in (zatuak 100%) in tanghra an awng dih i minung 123 nih 6D (All Distinction) an hmuh.

“2017-2018 cacawn kum ah tanghra a phimi zapi 918 an si. An zapi te in an awng dih i minung 123 nih 6D (All Distinction) an hmuh. 5D a hmutu hi minung 163, 4D a hmutu hi 181, 3D a hmutu hi 130, 2D a hmutu hi 106, 1D a hmutu hi 121 an si. Distinction a hmutu siangngakchia zapi hi 824 an si i distinction hmu lo in a awng sawhsawhmi hi 94 lawng an si” tiah Mahlaing Penguk fimcawnnak lutlai nih a chim.

‎Mahlaing Peng Family Private siangsangrun hi 1998-99 kum ah inn cazoh (caciah)nak tuahmi minung 4 in thawkmi a si i 2012-13 kum ah private siangsangrun ah thlen a hung si.

Sianginn an thawknak in atu hi kum 20 chung a si cang i Mahlaing peng zapi in 2017-18 kum ah tanghra a phitu hi 4635 an si. Hi chung ah 2469 an awng i zatuak in 53.27% an si. 2017-18 cacawn kum Myanmar ram pumpi private sianginn vialte lakah result a tha bikmi cu Mahlaing peng, Family Private siangsangruun hi a si tiah kan theih.
Ref: DVB Burmese

Na ruahning rak langhter ve.. (Leave a comment)

%d bloggers like this: