Mandalay ah SAC ralkap anmah le anmah an i kap i pakhat a thi
The Chinland Post | 2022 October 10 – Mandalay ah peng Electric Engineering zung a hngak mi SAC ralkap Corporal 2 anmah le anmah an i kap i pakhat a thi tiah thawng theih a si.
Mahaaungmyay peng, ah a ummi peng Electric Engineering zung ah October 9 chun sml 3:00pm hrawng ah zuu an rii, bia an i al i anmah le anmah an i kap tiah theih a si.
“SAC Corporal 2 zuu an rii i an kutchung ah meithal a um caah an i kap. Corporal Kyaw Myo Htun a thi. Adang pakhat hi Myat Noe Aung a si i aa hliam ve” tiah palek he aa naihniam mi nih Mizzima ah a chim.
Cu Electric zung chung in vawlhpamh thawng nifatin in an theih i a caancaan cun meithal thawng zong a thang tiah khuami nih an chim.
About The Author
