Mandalay Airport Zohkhenh Tu Palek Bawi Nupa Kahthah An Tong
Salai Mangpau | September 15, 2023 — Mandalay Tada-U Airport zohkhenh tu palek Sub-Inspector Than Min Soe le a nupi Daw Thu Za Tun cu September 13 zaanlei sml 1:00pm ah Sagaing ramṭhen, Thalon Phyu khua pawng ah an kahthah hna tiah theih a si.
Mandalay airport zohkhenh tu duty Sub-Inspector (ဒု-ရဲအုပ်) Than Min Soe le a nupi Daw Thu Za Tun- kum (35), an fanu kum 9 hrawng le kum 2 hrawng a fapa telh in an chungkhar cu Sagaing ramṭhen, Thalon Phyu khua ah a um mi a nupi a nu le pa sin ah an tlawng hna. Zaanlei ah an rianṭuannak airport lei kir ṭhannak ding in timhtuahnak an ngeih lio caan, Shwebungthar phungki sianginn pawng ah an motor chiahnak hmun lei an kal lio ah motor Honda Fit pawngkam in an mah rak hngaktu minung 8 nih palek pa cu an kah thah. Cu hnu ah a nupi cu Thalon Phyu khua nitlaknak lam ah an hruai i an thah hnu ah a ruak cu an pa an thahnak pawng te ah an rak chiah. An motor an lak piak hna i, an fa hngakchia rual cu an luatter hna tiah SAC ralhrang lei nih cun an chim.
Palek thattu pawl hi mi zei an si ti theih a si lo. Ralhrang pawl nih cun PDF an puh nain mah hmun hi ralhrang le pyusawhti pawl an cawlcangh tonnak hmun a si ruang ah minung an theih/palh sual i, pyusawhti pawl nih thah mi zong a si kho ko tiah tiah khuachung mi hna nih Khit Tit media ah an chim.
About The Author
