Mara Hmunhma Hriamtlai Phu 2 A Si Mi MDF/MTC le CDF-Mara Karlak Hnatlaknak Pawl
Mara Evangelical Church (MEC) nih Maraland Territorial Council/Maraland Defense Force (MTC /MDF) le Interim Maraland Council/Chinland Defense Force – Mara (IMC/CDF-Mara) bu hna kar ah remnak, daihnak pumkhatnak biaruah tinak ding caah tiin kum 2024 February 1 ahkhan Peace Commission cu ser a si. Peace Commission nih Mara Hriamtlai bu-2 hna karlak ah voi tam nawn tlawn le i chawk in cabuai pakhat cung thuti in “daihnak” biaruah tinak a chuah khawh nakhnga nawlnak a tuah dih hnuah, kum 2024 May 22-23 ni ahkhan Zawngling khua (West Maraland) ah thuti hna in kaphnih karlakah biaruahtinak ngeih a si.
Mara hriamtlai ralkap bu-2 hna karlak ah remnak le daihnak ser a herhnak a ruang cu a tang lei langhter bantuk hin an si.
- Hmailei Mara politics hma a kal khawhnak ding caah Mara ram chungah Administration pakhat, hriamtlai ralkap bu khat lawng (lawng) a um ding a herh.
- Mara le Mara karlak ah i donak (i kahnak) um ti lo ding a herh.
- Kahdohnak ruangah Mara miphun kan khuasak ah retheihnak, inn le lo, khua chuah takin ralzaam dirhmun ah kan um tilo nakhnga a herh.
- Mara fale fimthiam cawnnak ah siseh, ngandamnak lei i zohkhenhnak i zohkhenhnak siseh timtuah a herh.
- Mara mi nih Mara ram chung ei le din kong timatuahnak caah him tein kal umnak ah siseh, him tein khua an sak khawh a herh.
- Mara vialte nih Mara hriamtlai ralkap an tanpi a herh.
- Mara ram chung ah Khrifabu a cawlcangh khawh leng mang a herh.
Cu ruangah Zawngling (Zyhno) khua MTP Hall chungah ni-hnih chung daihnak biaruah dih hnu ah 2024 May 2024 nih ahhin MTC/MDF le IMC/CDF-Mara bu hna cu Mara mizapi himnak ding caah duhsaknak fakpi he ipumhkhat nak cu kan ser khawh cang timi langhternak ding caah Peace Commission nih theihpi in a tang lei min langhter chih zong a si.
| S/N | NAME | POSITION | SIGNATURE |
| MTC/MDF | |||
| 1 | Puhpa K. Labie | Acting President | Signed |
| 2 | Puhpa T.Biekhai | Sr. Vice President | Signed |
| 3 | Dr. Beilakho | CS & Vice President | Signed |
| 4 | Puhpa David Rah | Vice President | Signed |
| 5 | Puhpa NB.Sila | General Secretary | Signed |
| 6 | Puhpa Vasehmo | Executive Secretary
(Strategy and Policy Research, Law and Judicial) |
Signed |
| 7 | Puhpa Rosa | Executive Secretary
(Planning, Finance & Taxation) |
Signed |
| 8 | Puhpa Ronah St. | Executive Secretary (Defense) | Signed |
| IMC/CDF-MARA | |||
| 1 | Puhpa C.Laiki | Chairman | Signed |
| 2 | Puhpa Ngotha | Deputy Chairman | Signed |
| 3 | Puhpa James Tiatlo | Chief Executive Member | Signed |
| 4 | Puhpa Beiva | Chief of Staff (CS) | Signed |
| 5 | Puhpa C.Cholai U | Chief of Justice | Signed |
| 6 | Puhpa C. Sicholai | Executive Secretary | Signed |
| 7 | Puhpa FC. Tekhu | Council Secretary | Signed |
| 8 | Puhpa Maung Lay | Information Secretary | Signed |
| PEACE COMMISSION | |||
| 1 | Rev. C. Sitlo | Chairman, Peace Commission | Signed |
| 2 | Rev.Dr. L.B Siama | Moderator, MEC &
Secretary, Peace Commission |
Signed |
| 3 | Rev. Dr. Zodau | General Secretary, MEC | Signed |
| 4 | Rev. Biehlo | Peace Commission Member | Signed |
| 5 | Rev. Pheihlo | UPC Pastor,
Peace Commission Member |
Signed |
| 6 | Rev. Thlahmo | Peace Commission Member | Signed |
| 7 | Macha C. Thahe | Peace Commission Member | Signed |
| 8 | Macha Seihnai | Peace Commission Member | Signed |
| 9 | Macha Matha | Peace Commission Member | Signed |
| 10 | Macha Beili | Peace Commission Member | Signed |
Pehzulh Ding
A cunglei min langhter asi bantuk in Mara hriamtlai ralkap bu-2 remnak serkhawh a si cang ruangah a tanglei bantuk in pezulh ding le tuan ding langhter a si.
- MTC/MDF le IMC/CDF-Mara hna nih 2024 May 23 ni ah pumkhat kan si cang nak hi kanmah bu-2 lei nih Concern Meeting ah luhpi in hnatlaknak lak a si lai.
- Bu-2 i remnak le pumkhatnak a simi hi Alliance bu pawl sinah an chimh hna lai. Tu ni in Mara ram chung ah Mara hriamtlai ralkap bu khat lawng a um cang lai. Zeibantuk ruang i miphun dang hriamtlai ralkap nih Mara ram chung an rak luh tikah Mara hriamtlai ralkap he pehtlaihnak an tuah hmasa lai.
- Mara mi nih Mara ram chung ah him tein khua an sak khawh nakhnga Mara hriamtlai ralkap bu he pehtlaihnak tha an tuah ding a si.
- Mara hriamtlai ralkap hi “One Command” an ser khawh tikah, Sapaw khua i hmun khuartu CDF-Lautu hriamtlai a umnak kong cu an ceih lai.
- Bukhat sinak hma kal a ran khawhnak ding caah Peace Commission nih hruai-in Re-unification Committee a ser lai i, bu-2 hna nih an concern meeting ah a chuah pi ve lai. Member hi bu-1 in minung 5 cio telh an si lai, Peace Commission in minung 5, ram chung bochan mi chung in minung 5 thim chih a si lai i, policy zong zohthannak a tuah lai.
- Re-unification Committee chungtel min hi 2024 May 23 ni in zerh-hnih (two weeks) chungah Peace Commission ah kuat asi lai.
- Re-unification Committee nih hmailei kal umnak khua a khan lai i, a herh ati ningin Special Mara People Congress zong a kawh lai. Hi Congress ah pawmpi nak le thimnak zong tuah asi lai.
- Mara hriamtlai ralkap bu-2 karlak remnak ser asi cang caah kaphnih buin an tlaih mi hna (hriatlai le civil) vialte tuni in ni-14 chungah thlah dih an si lai.
Sd/—- Sd/—-
Rev. C. Sitlo Rev. Dr. L.B Siama
Chairman Secretary
About The Author
