March Thla Chung Ah Mipi Inn 4,000 Leng An Khangh Tiah NUG Nih A Thanh
The Chinland Post | 2023 April 4 — 2023 March thla chung Myanmar ram pumpi ah SAC ralkap nih khuate pawl voi 102 an khangh i mipi inn 4,382 a kaang, khuami 35 tiang an thi tiah NUG kuttang Meithat zung nih April 1 ah an thanh.
Cu chung ah, Sagaing ramṭhen ah voi 50 an khangh i mipi inn 3,107 le biaknak lei inn 1 a rawh bantuk in mipi 26 tiang an thi tiah an langhter.
Cun Mandalay ramṭhen ah voi 17 an khangh, Magway ramṭhen ah voi 11, Karen ram ah voi 3, Taninthary ramṭhen ah voi 7, Chin ramkulh ah voi 1, Bago ramṭhen ah voi 6, Shan ram ah voi 3, Kachin ram ah voi 3 le Kayah ram ah voi 1 an khangh tiah cathanh ah hmuh khawh a si.
SAC ralkap nih kahdoh a fahnak Sagaing ramṭhen, Magway ramṭhen, Chin, Kayah le Karen ram hna ah vanlei he vawlei lei he kahdohnak a tuah caah a rawk mi hi a tam chin tiah an thanh.
About The Author
