Matupi ah kahdohnak a chuak, SAC ralkap 4 an thi, CDF hriamtlai 1 a nunnak a liam

The Chinland Post | 2022 September 27 – Chin ramkulh, Matupi peng ah kahdohnak a chuak ṭhan i kaphnih in a thi mi an um tiah CDF-Matupi nih September 27 ah a thanh.

” Anmah lei in SAC ralkap 4 an thi, 6 an i hliam. Kanmah CDF-Matupi hriamtlai pakhat a nunnak a liam” tiah CDF-Matupi rianngeitu nih People’s Spring ah a chim.

September 24 thok in ke in Matupi-Hakha lam lei ah thazang 200 hrawng in kahdohnak a tuahmi SAC ralkap le CDF-Matupi cu Ngalai khua ah September 27 zinglei sml 7:00-10:20am tiang kahdohnak a chuak i SAC ralkap 4 an thi, 6 an i hliam i CDF-Matupi hriamtlai pakhat nih ram le miphun caah a nunnak a pek tiah CDF-Matupi nih a thanh ve.

SAC ralkap le CDF-Matupi karlak i kahdohnak voithum chungah SAC ralkap 11 an thi, 14 nak tlawm lo an i hliam cang i CDF-Matupi hriamtlai 1 a nunnak a liam tiah theih a si.

Na ruahning rak langhter ve.. (Leave a comment)

%d bloggers like this: