SAC kut in hngakchia a tlawmbik 234 an thi cang, 360 leng an tlaih hna

0

The Chinland Post | 2022 September 27 – SAC nih hramhram in uknak a lak hnu 2021 February 1 thok in 2022 September 27 tiang ah kum 18 tang hngakchia 234 an thah cang hna tiah NUG nih a thanh.

Hramhram in mi an thahnak kong he pehtlai in rian ngeitu pawl, mi thahnak he pehtlaihnak a ngei mi pawl vialte nih sualphawtnak an inn ṭhan khawhnak hnga a rannak in kan tawlrel khawhnak hnga kan i zuam tiah theihternak a tuah.

NUG le a hawikom tlangcung hriamtlai phu pawl nih an tlaihnak hmunhma pawl ah raltuk lio ah buarmi sualnak (war cime) pawl kha sual phawtnak, Warrant chuahnak, tlaihhrennak, tlaih hnu ah phungning tein sual internak hna kan tuah lai tiah a thanh.

SAC nih September 16 ah Tabayin peng Latyatkone khua sianginn ah vanlei in kahdohnak a tuah caah hngakchia 11 telh in minung 13 an rak thi i 20 leng hma an tuarnak kong he pehtlai in NUG nih theihthernak a tuah.

SAC nih hngakchia 363 an tlaihhren rih hna tiah NUG kuttang Nu, Mino le Hngakchia lei zung nih a langhter.

About The Author

Na ruahning rak langhter ve.. (Leave a comment)

%d bloggers like this: