Matupi ah SAC ralkap nih facang an cawk dih caah facang cawk awk a um ti lo
The Chinland Post | 2023 January 24 — Chin ramkulh, Matupi khua cu January 7 thok in phone line pawl an phih piak hna hnu ah SAC ralkap nih khuapi chung facang dawr in facang pawl vialte an cawk dih caah Matupi khuachung ah facang cawk awk a um ti lo tiah theih a si.
Cubantuk in Matupi khua caah a biapi bik eidin phorhnak lam a si mi Mindat-Matupi lam zong an phih caah thilri a lut kho ti lo tiah theih a si.
Matupi khua cu khuate cheukhat pawl he lawng an i pehtlai kho nain CDF-Matupi le SAC karlak kahdohnak pawl le phone line phih piak an si caah mipi hna nih khuapi le khuate karlak khualtlawn ding zong an ṭih tiah theih a si.
About The Author
