Matupi-Bawiza lam cung ah a um mi SAC ralkap sakhaan an kah hna i hliam a tuar mi an tam
The Chinland Post | 2023 January 27 — Matupi-Bawiza lam cung ah a um mi SAC ralkap sakhaan pakhat cu CDF-Matupi nih January 25 ah an kah hna i SAC ralkap tampi nih hliam an tuar tiah CDF-Matupi nih a thanh.
Zinglei sml 4:30am hrawng ah kahdohnak an tuah hi a si i CDF-Matupi lei him tein an kir kho ṭhan tiah theih a si.
Matupi peng chung ah thimnak khawh lo ding in khamnak caah kahdohnak kan tuah hi a si tiah an thanh i Matupi-Paletwa lam, Matupi-Mindat lam, Matupi-Bawiza lam le Matupi-Hakha lam cung ah a um mi SAC ralkap pawl an kah lengmang hna i SAC ralkap 18 an thi cang, hliam a tuar mi an tampi i CDF-Matupi hriamtlai pakhat a nunnak a liam ve tiah an thanh.
About The Author
