Kawkareik peng kahdohnak ah SAC ralkap 90 leng an thi
The Chinland Post | 2023 January 27 — Karen ram, Kawkareik peng, Kyondoe khua pawng ah a um mi Kawkyeik, Ankalung le Kannisan khua hna ah thazang 150 hrawng a si mi SAC Brigade 44 kuttang ralkap pawl le KTL Army Tactical Operator Captain L Se Wa hruai mi Lion Battalion Commando phu, KNU/KNDO B06, Roc phu le DKBA phufonh hna karlak ah 2023 January 20 thok in January 26 tiang kahdohnak a fak peng tiah theih a si.
January 20-26 tiang a cang mi kahdohnak chung ah SAC ralkap 90 leng an thi i fak pi in aa hliam mi 50 leng an si tiah Lion Battalion Commando nih a thanh.
Kahdoh chung ah KNDO B06 in Company Commander Saw Lin Htay le adang hriamtlai 2 an nunnak a liam ve tiah an thanh.
A thi mi le hliam a tuar mi an tam caah SAC ralkap pawl cu an kir ṭhan tiah theih a si.
Cun ni 6 chung kahdohnak ah Kannisan khuate chung ah SAC ralkap nih hriamngan voi 200 leng an kah i Vanlawng bawmhnak caah JY/130 phun kahdohnak vanlawng le Mi35 in voi 10 nak tlawm lo bom a thlak tiah a thanh.
SAC ralkap nih bom an thlak ruang ah Kannisan khua mipi inn 5 a kaang tiah theih a si.
About The Author
