Matupi Peng Hrinpi (B) A Tui Tiang Sianginn An Kai Rih Lo
Salai Elvis| 2018 June 17| Chin ramkulh Matupi peng Hrinpi (B) khua cu a tuni tiang ca chimtu saya/ma an phak lo caah June 17 tiang sianginn kai kho lo in an um tiah an khuabawi pa nih a chim.
Ruahsur ruang Matupi peng chung lam a rawh caah hi khua i ca chimtu saya/ma minung 9 cu Training kainak in an kir khawh rih lo caah sianginn kan kai khawh lo nak cu a si tiah siangukbawi nih a chim.
“Cachimtu an zapi tein Training an kai dih caah June 8 an dih ko cang. Asinain ruah fakpi a surmi nih lam a hrawh caah an phak khawh lonak a si. Lam a vun that bak in rianrang tein sianginn kan kai ko lai” tiah sayagyi nih cun a chim.
Hrinpi (B) cu Matupi he khaan 100 tluk aa hlatnak ah a ummi khua a si. Lam a har le a rawh ruangah a tuni tiang cachimtu an phak khawh lonak a si. Hi khua ah sianglairuun tiang a um i siangngakchia 104 le siangcachim 9 an um.
Hrinpi (B) khua fiamcawnnak sianginn thar zong Vangva Company nih an sak i a tuni tiang an lim khawh ve rih lo caah sianginn kai zongah sianginn hlun ah kai thiam kan hau ko” tiah hi khua sianguk bawi nih a chim chih. Ref: Khonuamthung
About The Author
